מַסוֹרת:
א חידוש אין ייעוץ נישואין. א פראפעסיאנאלער טיעם
פון היימישע, ערפארענע מדריכים, וועלכע העלפן מיט א
געשמאקע, ווארעמע, און קלארע צוגאנג, יעדן 'מאן' וואס וויל פארבעסערן זיין חיי
הנישואין צום העכסטן שטאפל וואס איז מעגליך בס"ד.
די חידוש פון "מסורת" איז אז דאס איז געאייגנט פאר אזעלכע וואס האבן א נארמאל
גוטע שלום בית און זענען נישט שווער פארפלאנטערט אין זייער מצב ח"ו, אבער פארט
שפירן זיי אז מען קען ארבעטן אז זאכן זאלן פארן בעסער און גלאטער, נישט וואוסנדיג
צו אנצייגן אויף א געוויסע נקודה וואס איז די פראבלעם, און וויאזוי זאכן קענען ווערן
בעסער און געשמאקער.
עס מאכט זיך כסדר ווי פארפאלקער האבן חתונה אין א גוטע שעה, עס איז ב"ה נישט
דא קיין פראבלעמען, אבער עס הערשט אויך נישט די אהבה ואחוה וואס פעלט זיך
אויס, מען פארמאגט בלויז א קאלטע נאנטשאפט אין טעכנישע ענינים, און יעדער גייט
זיך זיין וועג אן קיין געהעריגע צוזאמענארבעט און פולשטענדיגע פארשטענדעניש.
"מסורת" איז דער פיאנער אין דעם פעלד, געגרינדעט דורך דעם בארימטן שלום
בית עקספערט הרב יצחק הערש בינעט שליט"א מנהל מפעל מסורת, סערטיפייד
לייף-קאוטש, און יחיד מומחה בחיי נישואין, מיט ערפארונג פון אריבער צען יאר אין
פראקטיק, וועלכער רירט זיך נישט אוועק פון די דעת תורה, נאכדעם וואס ער האט
גענומען שימוש, הכשרה און הדרכה אין אלע עניני הנישואין פון פילע גדולי ישראל
און די גרעסטע מחנכים בעניני שלום בית והשקפה ווי צב"ש הרה''צ אב"ד ימפלא
שליט"א, הרה"ג ר' בערל טויבער שליט"א, הגה"צ ר' אברהם צבי וואזנער שליט"א
אב"ד סאטמאר מאנסי, המחנך ר' דוד לעווי שליט"א, המחנך ר' משה בראווערמאן
שליט"א, ר' הענדיל ראזענבערג שליט"א, און נאך.
"מסורת" פראדוצירט א סיסטעם וועלכע האט נישט איר'ס גלייכן, עס ברענגט ארויס
די חיי נישואין פון א היימישע פארפאלק אויף א מסודר'דיגע וועג, מיט די ריכטיגע
השקפה און אויסגעהאלטענע מהלך, און עס צייגט אן איבער וואו יעדע פארפאלק האלט
אין יעדן פרט און הינזיכט פון זייער חיי נישואין, דורך אן איינפאכער אבער שטארק-
אויסגעארבעטער און רייכער מהלך וואס איז געבויעט אויף שטארקע פונדאמענטן און
יארן פון עקספערטיז בסייעתא דשמיא.
הרב יצחק הערש הי"ו איז אין די לעצטע פאר יאר געווארן ברייט-בארימט א דאנק די
"מסורת", און אזוי אויך איבער די פילע טרעפליכע "געדאנקען און טיפס" און "שמועסן"
בעניני שלום בית וואס איז שטארק פארשפרייט שריפטליך און טעלעפאניש, און האט
אויפגעלאכטן פילע אידישע שטיבער אין דעם הינזיכט פון 'מאכן זאכן פארן געשמירט'
בסייעתא דשמיא.
אויב ווילט איר
שטייגן אין שלום בית
און מאכן דעם
חתונה-געהאטע לעבן שענער
און זיסער,
איז
מסורת אייער דעסטינאַציע!
די ייעוץ נישואין סערוויס, טוט באגלייטן פארפעלקער און פארזיכערן אז זייער שלום בית בליעט צו א מאקסימום. פארשטייען זיך גוט, זענען צופרידן איינער פונעם צווייטן. דאס ווערט געטוען דורך א שטאב פון ערפארענע העכסט געלונגענע מדריכים וואס שטייען גרייט צו נעמען דעם שלום בית צו א שטאפל העכער.
דער מדריך פון מסורות זעצט זיך אוועק מיט'ן יונגערמאן/קאָפל, שמועסט מיט אים, און ער כאפט שנעל אויף אט די הייקעלע נקודות, און מ'ארבעט דערמיט אויפצופלאמען דעם ניצוץ פונ'ם קשר הנישואין, צו קענען ברענגען צו נאך א נענטערער און ווארימער קשר.
ווייטאג און טענות פונ'ם עבר קען גרינגערהייט פארגעבן ווערן און מ'קוקט אויף פאראויס פאר א בעסערע און געשמאקערע קאנעקשן און קאמיטמענט.
די פריוואטע סעסיעס ווערן אפגעהאלטן אין די באקוועמע און שטילע אפיסעס פון מסורת אין מאנסי נ.י. יצ"ו. אזוי אויך קען מען עס מאכן דורכ'ן טעלעפאון אדער אויף ZOOM.
מסורת האט אוועקגעשטעלט א גאר אייגנארטיגע און פעסט געבויטע מהלך וויאזוי אנצוגרייטן א חתן צו זיין חתונה. מיט קלארקייט, שטארקייט און צופרידנקייט.
טראץ וואס יעדער חתן גייט צו שיעורים, איז אבער גאר אנדערש דאס וואס מען לערנט ביי מסורת. דער פראגראם נעמט אריין אין זיך פולע שיעורים אין די וועלט פון געפילן, קאמיוניקאציע, און זעלבסט שעצונג. מיט'ן ציל צו אויפהייבן יעדע חתן צום העכסטן שטאנדפונקט וואס ער קען דערגרייכן אין זיין לעבן בעז''ה.
די מדריכים זענען אינגעלייט יראי השם, פראפעסיאנאלן וועלכע פארשטייען צו א נפש פון א בחור. די מדריכים פארמאגן אן עקספערטיז און וויסנשאפט אין חכמת הנפש, און אלעס איז אונטער די שטרענגע אויפזיכט פון די וועד הרבנים.
דער מדריך בלייבט מיט א נאנטע קשר צום אינגערמאן ביז 18 חדשים נאך די חתונה, זיך קענענדיג אדורכשמועסן יעדן קלייניקייט וואס קומט אונטער, מיט די פולסטע רואיגקייט.
אן אוצר פון פילע אינספירירנדע דרשות, אינפארמאטיווע פאנעלן, שאלות ותשבות פלאטפארמע, און קורצע טיפס-שיעורים בנושא שלום בית וחיי הנישואין, דורך די מומחים פון מסורת, און דורך פילע שלום בית עקספערטן און בעלי דרשנים מפורסמים פון איבער די וועלט, אלעס קען מען הערן בחנם אויפ'ן טעלעפאון.
איר קענט אויפ'ן האטליין אנפרעגן סיי וועלכע פראגע אינהערהאלב חיי הנישואין, וואס וועט אי"ה געענטפערט ווערן דורך איינע אדער דורך מערערע פון די מדריכי מסורת.
דער האטליין ווערט כסדר געאפדעיטעד מיט נייע שיעורים און דרשות, און פארשידענע טיפס און ענטפערס ארום אלע נושאים.
יעדע שטיק צייט טוט מסורת אראנדזשירן א סעריע קורסעס, צומאל לעבעדיגע גרופע-שיעורים פאר א קליינע קבוצה יונגעלייט, און צומאל א טעלע-קורס אויפ'ן טעלעפאון פאר א גרעסערע צאל צוהערער.
ביי די שיעורים ווערן הערליך אראפגעגעבן מיט א קלארקייט און געשמאק די ריכטיגע מהלכים וויאזוי צו מאכן די חתונה-געהאטע לעבן פון 'אקעי' צו 'ערשטקלאסיג'.
די שיעורים ווערן איבערגעגעבן אויף א ספעציעלע איינדרוקספולע און קלארע מהלך, באגלייט מיט נוצבארע ליטעראטור ארויסצוהאבן און אוועקצולייגן די תוכן השיעור.עס ווערט דערביי געגעבן א געלעגנהייט צו פרעגן סיי וועלכע שאלות איבער שלום בית און איבער אלע נושאים וואס זענען ארומגערעדט געווארן ביים שיעור.
גאר קורצע אבער גאר קלארע שיעורים וואס קען טוישן דיין אטמאספער אין שטוב, צו א געשמאקע שלום בית. יעדע שיעור נעמט נישט מער ווי ארום 7 מינוט, אבער עס ענטהאלט אין זיך נאך א 'סוד' פאר א סוקסעספולע לעבן מיט'ן ב"ב.
די טיפס ווערן געזאגט דורך הרב יצחק הערש בינעט שליט"א מנהל מסורת, און די רעקארדינג ווערט געשיקט דורך אימעיל פאר אלע סובסקרייבערס, אזוי אויך ווערט עס ארויפגעלייגט אויפ'ן מסורת האטליין, און דא אויפ'ן וועבסייט.
אזוי אויך קענט איר הערן די טיפס
דא אויפ'ן סייט.
